Александар Гоцев и Стојан Топалов се сопственици на семејната фирма „Васил слат“, која се наоѓа во струмичкото село Вељуса. Во компанијата произведувамe домашни традиционални колачи и сме посветени на производство на исклучително квалитетни продукти со почит кон традицијата.

Приказната ја започнуваме во 1994 година, кога ја отворивме малата работилница за производство на рачни домашни кори за пита и баклава. Идејата беше вештините на нашите родители во приготвувањето на традиционалните македонски рецепти да ги преточат во мал семеен бизнис.

На почетокот бевме присутни само на пазарите во Струмичкиот Регион, а подоцна, постепено прераснавме во мала компанија за производство на домашни традиционални колачи и почнавме да ги освојуваме домашните синџири маркети, но и странските. Денес, соработуваме со поголеми маркети во Македонија како Кит-го, Кам, Стокомак, Веро, Тера, Футура, Метро, Дијана и со други помали маркети. Извезуваме на косовскиот пазар, Германија, САД, Шведска, Австралија.